Posts

XLSFrom ແມ່ນຫຍັງ? XLSForm ຖືກອອກແບບເພື່ອ ເປັນຟອມມາດຕະຖານສໍາລັບການສ້າງແບບຟອມການເກັບຂໍ້ມູນ ຖ້າຈະປຽບທຽບງ່າຍໆ ມັນກໍຄືກັບພາສາຄອມພິວເຕີພາສາໜຶ່ງທີ່ຮູບແບບໂຄງສ້າງອັນດຽວກັນກັບພາສາ XML ເລີຍ ເຊິ່ງວ່າມັນຖືກພັດທະນາກໍ່ເພື່ອ ຕອບຈຸດປະສົງໃຫ້ການອອກແບບຟອມ ແຕ່ວ່າ XML ນັ້ນແມ່ນບໍ່ເໝາະສໍາລັບຄົນທົ່ວໄປປານໃດເພາະຈະຕ້ອງໄດ້ມີຄວາມຮູ້ພື້ນຖານກ່ຽວກັບພາສານີ້ມາກ່ອນ. ດັ່ງນັ້ນ, ຈຶ່ງເກີດມີ XLSForm ທີ່ພັດທະນາມາໃຫ້ເປັນຄືກັບພາສາຄົນຫຼາຍຂຶ້ນ ເຊິ່ງຄົນທົ່ວໄປສາມາດສ້າງຟອມໄດ້ໂດຍ ໃຊ້ພຽງແຕ່ໂປຣແກຣມ Excel ເທົ່ານັ້ນ. ໂດຍທົ່ວໄປແລ້ວ ການສ້າງຟອມເພື່ອເປັນນໍາໃຊ້ເຂົ້າໃນລະບົບ ODK ຫຼື KOBO ນັ້ນແມ່ນຈະໃຊ້ຟອມມາດຕະຖານ XML ຟອມ ເຊິ່ງວ່າຟອມຮູບແບບນີ້ຈະເປັນມາດຕະຖານ ຫຼື ຖ້າຈະເວົ້າອີກຢ່າງໜຶ່ງ ມັນກະຄ້າຍພາສາມາດຕະຖານ ຄືພາສາທົ່ວໄປເຊັ່ນ: ພາສາ C, Python, JavaScript ປະມານນັ້ນ. ເຊິ່ງວ່າໂຕ XLSForm ນີ້ ຫຼັກການຂັ້ນຕອນມັນກໍ່ຄື ເຮົາສາມາດສ້າງຟອມ XML ໂດຍໃຊ້ Excel ຫຼັງຈາກນັ້ນ ເຮົາຈຶ່ງນໍາໄປ covert ເປັນຟາຍ XML ອີກເທື່ອໜຶ່ງເພື່ອ ນໍາເອົາໄປ import ເຂົ້າໃນລະບົບການເກັບຟອມ. ຫົວຂໍ້ເນື້ອຫາ: Survey WorksheetChoices WorksheetQuestion typeGPSMultiple ChoiceChoice namesRankRangeMetadataHintRegular hintsGuidance hintsConstraintsConstraint messageRelevantRequiredRequired messageRandomize ChoicesGrouping QuestionsNesting group within groupsSkippingRepeatAppearanceSettings WorksheetsSet up Google for form server

ການຂຽນບົດສະເໜີ ຫຼື Proposal ທີ່ດີນັ້ນບໍ່ວ່າຈະເປັນບົດສະເໜີປະເພດໃດກໍຕາມຈະຄືກັນໝົດ ແລະ ສິ່ງສຳຄັນທີ່ສຸດກໍຄືເຮົາຈະຕ້ອງຂຽນແນວໃດໃຫ້ບົດສະເໜີຂອງເຮົານັ້ນຖືກຍອມຮັບ ແລະ ໄດ້ເງິນຈາກຜູ່ທີ່ເຮົາຂໍ. ປົກກະຕິແລ້ວບົດສະເໜີຈະແບ່ງອອກເປັນ 5 ສ່ວນໃຫ່ຍຄື: ຈຸດປະສົງ, ໃນສ່ວນທຳອິດເຮົາຈະຕ້ອງຂຽນຈຸດປະສົງຂອງບົດສະເໜີຂອງເຮົາວ່າ ເຮົາຂຽນບົດສະເໜີໂຕນີ້ມາເພື່ອຫຍັງ?, ໃນສ່ວນນີ້ຈະມີການແນະນຳວິທີການແກ້ໄຂບັນຫາ ແລະ ຄວນຈະແຈ້ງ ໂດຍບໍ່ເຮັດໃຫ້ຜູ່ອ່ານມີການເຂົ້າໃຈຜິດ. ສ່ວນນີ້ບໍ່ຄວນຍາວເກີນໄປ. ບັນຫາ, ສ່ວນໂຕນີ້ຈະອະທິບາຍລາຍລະອຽດກ່ຽວກັບບັນຫາ ແລະ ຂໍ້ມູນພູມຫຼັງຂອງບັນຫາ. ໃນສ່ວນນີ້ຍັງໄດ້ອະທິບາຍວ່າເປັນຫຍັງຍັງມີບັນຫານີ້ຢູ່ ແລະ ເປັນຫຍັງມັນຈຶ່ງເປັນບັນຫາ. ວິທີການແກ້ໄຂ, ໃນສ່ວນນີ້ຈຸດປະສົງຂອງເຮົາຈະຕ້ອງສະເໜີວິທີແກ້ໄຂບັນຫາດ້ວຍວິທີທີ່ເຮັດໃຫ້ຜູ່ອ່ານຂອງນັ້ນເຊື່ອວ່າເຮົາຈະຕ້ອງແກ້ໄຂບັນຫາໂຕນີ້ໄດ້. ທຶນ,** **ໃນສ່ວນນີ້ຈະເວົ້າແຕ່ເລື່ອງເງິນລູກດຽວ. ບົດສະເໜີຂອງເຮົານີ້ຈະຕ້ອງໃຊ້ເງິນເປັນຈຳນວນເທົ່າໃດ? ຄວນໃຊ້ຕາຕະລາງເພື່ອໃຫ້ເຂົ້າໃຈງ່າຍ ແລະ ບໍ່ເຮັດໃຫ້ຜູ່ອ່ານສັບສົນ. ນອກນັ້ນ, ເຮົາຈະຕ້ອງບໍ່ມີຄ່າໃຊ້ຈ່າຍທີ່ເຊື່ອງໄວ້ ໝາຍຄວາມວ່າຄ່າໃຊ້ຈ່າຍຕ່າງໆຄວນເຮັດໃຫ້ລະອຽດທີ່ສຸດ. ສະຫຼຸບ, ສ່ວນສຸດທ້າຍເຮົາຈະເວົ້າລຶ້ມຄືນເຖິງບັນຫາ ແລະ ວິທີການແກ້ໄຂບັນຫາຄືນແບບຫຍໍ້ ເສີມດ້ວຍປະໂຫຍກທີ່ເຮັດໃຫ້ຜູ່ອ່ານຕ້ອງອະນຸມັດເງິນໃຫ້ບົດສະເໜີຂອງເຮົາ.

ຈາກການສຳຫຼວດພົນລະເມືອງ ແລະ ທີ່ຢູ່ອາໄສເບື້ອງຕົ້ນເຫັນວ່າ ໃນວັນທີ 1 ເດືອນມີນາ 2015 ສ.ປ.ປ.ລາວ ມີພົນລະເມືອງທັງໝົດ ປະມານ 6.5 ລ້ານຄົນ ເຫັນວ່າມີການເພີ່ມຂຶ້ນຈາກປີ 2005 ປະມານ 870 ພັນຄົນ ໝາຍວ່າ ພົນລະເມືອງລາວເພີ່ມຂຶ້ນໃນແຕ່ລະປີໂດຍສະເລ່ຍແມ່ນ 1.45 ເປີເຊັນ.

ຫຼັງຈາກປີກາຍນີ້ໄດ້ນຳເອົາລະບົບການຈ່າຍເງິນຜ່ານບັດສຳລັບນັກຮຽນ ແລະ ນັກສຶກສາເຂົ້າເພື່ອຫຼຸດຜ່ອນລາຍຈ່າຍ ແລະ ສະດວກສະບາຍ ໂດຍຄ່າລົງທະບຽນເຮັດບັດແມ່ນ 400,000 ກີບຕໍ່ປີ ຖືວ່າຄຸ້ມຄ່າຫຼາຍສຳລັບໃຜທີໃຊ້ບໍລິການລົດເມເປັນປະຈຳໂດຍທ່ານສາມາດໃຊ້ໄດ້ກັບລົດເມທຸກສາຍທີໃຫ້ບໍລິການໃນພື້ນທີນະຄອນຫຼວງວຽງຈັນ. ລ່າສຸດເພິ່ນກໍໄດ້ພັດທະນາໄປອີກຂັ້ນກັບການໃຫ້ບໍລິການລົດເມຂຽວ ທ່ານສາມາດຕິດຕາມຕຳແໜ່ງລົດເມຂຽວໄດ້ຜ່ານເວັບໄຊ Lao-BusNavi ຫຼັງຈາກໄດ້ທົດລອງໃຊ້ຜ່ານຄອມພິວເຕີ, ມືຖືລະບົບປະຕິບັການ Android ແລະ iOS ສາມາດເຮັດວຽກໄດ້ດີ. ຖືວ່າມີປະໂຫຍດຫຼາຍສຳລັບຂີ່ລົດເມເລີຍ ເພາະມັນສ້າງຄວາມສະດວກສະບາຍໃນການຕິດຈາມວ່າລົດເມຮອດໃສແລ້ວ ໃນກໍລະນີທີເຮົາກຳລັງຖ້າລົດເມຢູ່. ນອກນັ້ນແລ້ວ, ເຮົາຄິດວ່າມັນຍັງຈະແກ້ບັນຫາໃນການຈັດສັນເວລາອອກ ແລະ ເຂົ້າຂອງລົດເມສາຍຕ່າງໆ ເພາະຜູ່ຈັດສັນຕາຕະລາງລົດເມສາມາດຮູ້ໄດ້ແນ່ນອນວ່າລົດເມນັ້ນອອກຈັກໂມ ແລະ ໃຊ້ເວລາເທົ່າໃດໃນການໄປ ແລະ ກັບໃນຊ່ວງເວລາຮີບດ່ວນ ແລະ ທຳມະດາ.