ໃນທີສຸດ Unitel ຄອງໃຈລູກຄ້າດ້ວຍແພກເກດບໍ່ຈຳກັດ LT5
ການປະກົດຕົວຂອງ ຢູນີເທວ 3G ໄດ້ຢຶດຄອງຕະຫຼາດທາງດ້ານໂທລະຄົມລາວ ກາຍເປັນຂະບວນການຟົດຟື້ນ ຍ້ອນວ່າມີຜົນປະໂຫຍດຫຼາຍຢ່າງ ທີ່ເຕັກໂລໂນຊີນີ້ນຳມາ. ໃນມໍ່ໆນີ້ ຢູນີເທວ ໄດ້ໃຫ້ບໍລິການອີນເຕີເນັດ 3G ແບບບໍ່ມີສາຍຜ່ານ USB 3G ແບບບໍ່ຈຳກັດ ດ້ວຍລາຄາທີ່ປະຢັດພຽງແຕ່ 5.000 ກີບ/ມື້.
ເລີ່ມແຕ່ວັນທີ 10/10/2011ຢູນີເທວໄດ້ໃຫ້ບໍລິການອີນເຕີເນັດສຳລັບ USB 3G (ອຸປະກອນເຊື່ອມຕໍ່ອີນເຕີເນັດແບບບໍ່ມີສາຍດ້ວຍເຕັກໂນໂລຊີ 3G) ປະຢັດຄ່າໃຊ້ຈ່າຍ ແລະ ຍັງຊ່ວຍໃຫ້ລູກຄ້າສາມາດຄວບຄຸມຄ່າໃຊ້ຈ່າຍໃນການນຳໃຊ້ອີນເຕີ ເນັດໃນແຕ່ລະວັນໄດ້ອີກ, ແພັກເກັດໃໝ່ນຳໃຊ້ອີນເຕີເນັດແບບບໍ່ຈຳກັດ ລາຄາ 5.000ກີບ/ມື້ ໃນກໍລະນີທີ່ເງິນໃນບັນຊີບໍ່ພຽງພໍ ລູກຄ້າຈະບໍ່ສາມາດນຳໃຊ້ບໍລິການນີ້ໄດ້ ຈົນຮອດເວລາທີ່ຕຶ່ມເງິນ.
ເພື່ອລົງທະບຽນນຳໃຊ້ແພັກເກັດໃໝ່ ຫຼັງຈາກເປີດນຳໃຊ້ຊີມ 3G ຕາມປົກກະຕິ ລູກຄ້າພິມ LT5 ສົ່ງ 209ແພັກເກັດອື່ນໆສາມາດປ່ຽນມານຳໃຊ້ແພັກເກັດໃໝ່ນີ້ໄດ້ ດ້ວຍວິທີພິມ LT5 ສົ່ງ 209 ພິເສດ ຖ້າລູກຄ້າຊື້ USB3G ຈະໄດ້ນຳໃຊ້ລ້າໆ 1.500 Mb ເປັນເວລາ 03 ເດືອນ.
ຜູ້ອຳນວຍການໃຫຍ່ ບໍລິສັດ ຢູນີເທວ ທ່ານ ຟານ ແທ້ງ ຊ້າງ ໄດ້ກ່າວວ່າ: ແພັກເກັດ ອີນເຕີເນັດແບບບໍ່ຈຳກັດຂອງ ຢູນີເທວ ນີ້ເປັນການຕອບສະໜອງຄວາມຕ້ອງການໃນການນຳໃຊ້ອີນເຕີເນັດ ທີ່ນັບມື້ນັບເພີ່ມຂື້ນຂອງປະຊາຊົນລາວ ດ້ວຍລາຄາ 5.000 ກີບ/ມື້ ພວກເຮົາຫວັງວ່າ 3G ຈະການເປັນທີ່ນິຍົມ ແລະ ເປັນການບໍລິການແບບທົ່ວໄປສຳລັບທຸກໆຄົນ ໃຜໆກໍ່ສາມາດນຳໃຊ້ອີນເຕີເນັດ 3G ໄດ້ ແລະ ບໍ່ຕ້ອງກັງວົນກ່ຽວກັບຄ່າໃຊ້ຈ່າຍອີກຕໍ່ໄປ.
ປະຈຸບັນນີ້ ຢູນີເທວ ແມ່ນບໍລິສັດທີ່ມີເຄືອຂ່າຍ 3G ໃຫຍ່ທີ່ສຸດໃນລາວ ທັງສັນຍານຄວບຄຸມທົ່ວທຸກພື້ນທີ່ ແລະ ຈຳນວນເລກໝາຍທີ່ເປີດນຳໃຊ້ ບໍລິສັດນີ້ກຳລັງຈະສຶບຕໍ່ລົງທຶນ ເພື່ອພັດທະນາພື້ນຖານໂຄງລ່າງສັນຍານ ຄວບຄຸ້ມໄດ້ 100% ຂອງຜົນລະເມືອງລາວ ເພື່ອຈະມີໂອກາດນຳໃຊ້ບໍລິການທາງດ້ານໂທລະຄົມພື້ນຖານ ໃນນັ້ນພິເສດກໍແມ່ນອີນເຕີເນັດແບບບໍ່ມີສາຍ.
ທີ່ມາ VientianeMai
