ພົບmalwareຊະນິດໃໝ່ ໃນລະບົບປະຕິບັດການ Android
Kaspersky ໄດ້ຄົ້ນພົບໄວຣັດປະເພດ Malware ຊະນິດໃໝ່ໃນອຸປະກອນເຄື່ອງທີ່ໃຊ້ລະບົບປະຕິບັດການ Android ໃນ PlayStore ໂດຍໄວຣັດນີ້ຈະແຝງໂຕມາໃນຮູບແບບຂອງ Application ທີ່ມີຊື່ວ່າ: “Superclean”.
ໄວຣັດໂຕນີ້ມັນສາມາດສ້າງຄວາມເສຍຫານໃຫ້ໂທລະສັບຂອງທ່ານໄດ້ເຊິ່ງຜູ້ສ້າງໄດ້ຕັ້ງຄວາມສາມາດໃຫ້ມັນດັ່ງນີ້:
- ສົ່ງຂໍ້ຄວາມ
- ເປີດສັນຍານ Wi-Fi
- ເອົາຂໍ້ມູນກ່ຽວກັບອຸປະກອນຂອງທ່ານ
- ເປີດລິ້ງຕ່າງໆໃນ Web Browser ຂອງທ່ານ
- ເອົາຂໍ້ມູນໃນກາດຄວາມຈຳ(SD Card)ຂອງທ່ານ
- ສາມາດສົ່ງຟາຍຂໍ້ມູນຕ່າງໆກັບໄປຫາ Server ຂອງເຈົ້າຂອງໄວຣັດນີ້
- ເອົາຂໍ້ມູນຂໍ້ຄວາມຂອງທ່ານ
- ລຶບຂໍ້ຄວາມຂອງທ່ານ
- ສົ່ງຂໍ້ມູນຈຳພວກບັນຊີລາຍຊື່ຜູ້ຕິດຕໍ່, ຮູບພາບ, ທີ່ຕັ້ງຂອງທ່ານໄປຫາ Server ຂອງເຈົ້າຂອງໄວຣັດ
ສ່ວນໃນເລື່ອງການເຮັດວຽກຂອງມັນໃນຄອມພິວເຕີແມ່ນມັນຈະເຂົາໄວຄວບຄຸມໃນສ່ວນຂອງສຽງ, ວິທີປະຕິບັດຂອງມັນກະຄືວ່າມັນຈະໄປ ຄວບຄຸມໄມໃນຄອມພິວເຕີຂອງທ່ານ ແລະ ມັນສາມາດບັນທຶກສຽງຫຼັງຈາກນັນຈະສົ່ງໄປ Server ຂອງເຈົ້າຂອງໄວຣັດດັ່ງກ່າວ. ນອກນັ້ນ Kaspersky ຍັງບອກວ່າ: ເປັນຄັງທຳອິດທີ່ເຫັນໄວຣັດທີ່ມີຈຸດປະສົງສ້າງຄວາມເສຍຫາຍໃຫ້ທັງໂທລະສັບມືຖື ແລະ ຄອມພິວເຕີຂອງທ່ານ.
ຂອບໃຈທີ່ມາ Thenextweb
