ສະຖິຕິເວັບປະຈຳປີ 2017
ຕັ້ງແຕ່ຂຽນບັລອກມາໄດ້ປະມານ 7 ປີແລ້ວ (2011) ຖ້າທຽບໃສ່ຄົນນິກະສ່ຳກັບເດັກນ້ອຍ ປ1 ລະເດນິ ຜູ່ຂຽນກະຍັງບໍ່ໄດ້ເອົາສະຖິຕິຂອງເວັບໃນແຕ່ລະປີມາວິເຄາະເປັນໂຕເປັນຕົນຈັກເທື່ອ ມີແຕ່ໆລະມື້ກະເຂົ້າກວດເບິ່ງວ່າຜູ່ເຂົ້າເບິ່ງເວັບເຮົາ ເຂົາເຈົ້າເຂົ້າເບິ່ງບົດຄວາມໃດແນ່ໃນແຕ່ລະມື້. ອີກຢ່າງກະບໍ່ຄິດຈະໄປຂໍສະປອນເຊີຢູ່ໃສ ກະເລີຍບໍ່ໄດ້ເອົາຂໍ້ມູນຜູ່ເຂົ້າຊົມມາວິເຄາະ (ເວັບນ້ອຍໆໃຜສິໄປສົນໃຈ).
ພໍດີວ່າຊ່ວງນີ້ຫວ່າງໆ ເລີຍຢາກລອງທັກສະດ້ານການວິເຄາະຂໍ້ມູນຂອງຕົນເບິ່ງວ່າເປັນແນວໃດ ແລະ ກໍຢາກຮູ້ຄືກັນວ່າ ສະຖານະຂອງບັລອກຂອງຕົນເອງເປັນແນວໃດ ບົດຄວາມໃດກະເຈົ້າເຂົ້າເບິ່ງຫຼາຍ ມາແຕ່ໃສແນ່. ນອກຈາກນີ້ແລ້ວ ສິ່ງສຳຄັນທີ່ສຸດແມ່ນ ເຮົາຢາກຮູ້ວ່າພຶດຕິກຳການເຂົ້າເບິ່ງເວັບຂອງຄົນລາວເຮົາເປັນແບບໃດ ເຊິ່ງວ່າຂໍ້ມູນທີ່ນຳເອົາມາວິເຄາະນີ້ ເປັນພຽງຂໍ້ມູນຈາກເວັບເຮົາພຽງເວັບດຽວ ການສະຫຼຸບຜົນໄດ້ຮັບມັນອາດຈະບໍ່ຖືກກັບໂຕຈິງ ຫຼື ມັນອາດຈະໃກ້ຄຽງກັນກໍ່ໄດ້ ຖ້າເວົ້າໃນດ້ານວິຊາການແລ້ວແມ່ນ ຄ່າຜິດດ່ຽງມັນສູງນັ້ນເອງ (error).
Kongphaly Blog Report 2017
ການສະແດງຜົນ ແລະ ວິເຄາະນີ້ແມ່ນຈະແບ່ງອອກເປັນ 3 ໝວດໃຫຍ່ ແລະ ສະເພາະເຈາະຈົງແຕ່ຜູ່ເຂົ້າເບິ່ງທີ່ເປັນຄົນລາວຄື:
- Audience: ຈະວິເຄາະວ່າຜູ່ເຂົ້າເບິ່ງເວັບເຮົາມີເທົ່າໃດ, ປະເທດໃດແນ່, ໃຊ້ອຸປະກອນໃດແດ່ ໃນການເຂົ້າເບິ່ງ.
- Source: ໂຕນີ້ຈະເປັນໝວດກ່ຽວກັບແຫຼ່ງທີ່ມາຂອງຜູ່ເຂົ້າເບິ່ງເວັບຂອງເຮົາວ່າມາຈາກໃສແນ່ໂດຍຜ່ານຊ່ອງທາງໃດ ເຊັ່ນ search engine, social media ແລະ ອື່ນໆ.
- Behavior: ໝວດນີ້ຈະອະທິບາຍພຶດຕິກຳຂອງຜູ່ທີ່ເຂົ້າມາເບິ່ງເວັບເຮົາວ່າ ເຂົາມັກເຂົ້າເບິ່ງບົດຄວາມໂຕໃດຫຼາຍເປັນຕົ້ນ.
Audience
Audience | Overview | ພາບລວມ
ໃນປີ 2017 ເວັບເຮົາມີຜູ່ເຂົ້າເບິ່ງທັງໝົດ (user) 8,611 ຄົນ ໄລ່ເປັນ Session ແມ່ນ 10,158 ແລະ ຈຳນວນໜ້າທີ່ຖືກເປີດເບິ່ງທັງໝົດ 14,610 ໜ້າ.
ໃນສ່ວນຂອງ Bounce rate ແມ່ນ 77.73% ຕົວເລກນີ້ຖືວ່າເປັນຄ່າປົກກະຕິຂອງຜູ່ເຮັດບັລອກ ເພາະວ່າ ພຶດຕິກຳຂອງຜູ່ທີ່ເຂົ້າມາອ່ານສ່ວນຫຼາຍຈະເຂົ້າມາເບິ່ງແຕ່ຫົວຂໍ້ທີ່ສະເພາະເຈາະຈົງເທົ່ານັ້ນ (ຫົວຂໍ້ທີ່ຕົນເອງສົນໃຈ) ເມື່ອອ່ານແລ້ວກໍປິດໜ້າ. ກົງກັນຂ້າມຖ້າເປັນເວັບທີ່ເປັນປະເພດ ຂ່າວ ຫຼື ຮ້ານຄ້າ (e-commerce) ຖ້າ bounce rate ສູງ ແມ່ນສະແດງໃຫ້ເຫັນວ່າເວັບດັ່ງກ່າວບໍ່ໜ້າສົນໃຈ ເພາະຜູ່ໃຊ້ເປີດເບິ່ງແຕ່ໜ້າດຽວແລ້ວກະໜີ ບໍ່ເຂົ້າໄປອ່ານຂ່າວອື່ນ ຫຼື ເຂົ້າໄປເບິ່ງສິນຄ້າອື່ນເລີຍ. ຂໍເສີມ bounce rate ໝາຍເຖິງ ເປີເຊັນຂອງຜູ່ເຂົ້າເວັບເຮົາທີ່ເປີດພຽງແຕ່ໜ້າດຽວ ແລ້ວກໍອອກໄປ.
ມາເບິ່ງໃນສ່ວນຂອງຜູ່ໃຊ້ໃໝ່ ກັບ ຜູ່ໃຊ້ເກົ່າ ເຫັນວ່າ ເວັບເຮົາມີຜູ່ໃຊ້ໃໝ່ 84.5% ແລະ ຜູ່ໃຊ້ເກົ່າ (ຜູ່ທີ່ເຂົ້າມາເບິ່ງແລ້ວກັບມາເບິ່ງອີກ) ມີພຽງແຕ່ 15.5% ເທົ່ານັ້ນ.
5 ອັນດັບ ຜູ່ອ່ານແບ່ງຕາມປະເທດ (% session)
- ລາວ – 92.77%
- ໄທ – 2.05%
- ຫວຽດນາມ – 1.52%
- ອາເມລິກາ – 1.16%
- ຢູເຄນ – 0.45%
5 ອັນດັບ browser ທີ່ຜູ່ອ່ານໃຊ້ (% session)
- Chrome – 54.84%
- Safari – 22.37%
- Android Webview – 5.30%
- Samsung Internet – 4.82%
- Firefox – 4.58%
- Internet Explorer – 1.82%
ຜູ່ອ່ານທີ່ເຂົ້າມາເວັບເຮົາເຄິ່ງໜຶ່ງແມ່ນໃຊ້ Chrome browser ຕໍ່ມາກໍຈະເປັນ Safari, ແຕ່ບ່ອນທີ່ແປກໃຈທີ່ສຸດກໍຄືຍັງມີຄົນທີ່ໃຊ້ IE (Internet Explorer) ຢູ່ເຊິ່ງວ່າ IE ເປັນ browser ທີ່ຊ້າ ແລະ ບໍ່ສະໜັບສະໜູນເທັກໂນໂລຢີໃໝ່ໆກ່ຽວກັບການສະແດງໜ້າເວັບແລ້ວ, ນອກຈາກນີ້ Microsoft ຍັງເຊົາສະໜັບສະໜູນ IE ແລ້ວ ເນື່ອງຈາກວ່າມີ browser ໃໝ່ມາແທນທີ່ແລ້ວຄື Edge.
5 ລະບົບປະຕິລັດການຍອດນິຍົມ (popular operating system)
- 45,41% – Android
- 26,84% – iOS
- 25,63% – Windows
- 1,43% – Mac OS
- 0,42% – Windows Phone
5 ອັນດັບເຄື່ອຂາຍໂທລະສັບມືຖື
- ລາວໂທລະຄົມ (Lao Telecom) – 39,41%
- ຢູນິເທວ (Unitel) – 38,90%
- ອີທີແອັວ (ETL- Enterprise Telecom Lao) – 6,69%
- ບີລາຍ (Beeline – Vimplecom Lao Company Limited) – 5,12%
- Planet Online Lao – 0,82%
- Sky Telecom – 0,69%
5 ອັນດັບຂະໜາດໜ້າຈໍໂທລະສັບ
- 360×640 – 41,77%
- 320×568 – 13,59%
- 375×667 – 12,39%
- 414×736 – 7,79%
- 320×534 – 5,33%
Acquisition
5 ອັນດັບຊ່ອງທາງທີ່ຜູ່ມາເບິ່ງເວັບໄຊເຮົາເຂົ້າມາເບິ່ງທາງໃດ
- Organic Search – 74,7%
- Direct – 17,5%
- Social – 4,7%
- Referral – 3%
- Other – 1%
Behavior
5 ອັນດັບ ໜ້າເວັບທີຖືກເຂົ້າເບິ່ງຫຼາຍກ່ອນໝູ່
- 12,84% – https://kongphaly.la/2015/11/19/update-internet-package-which-was-interested/
- 5,17% – https://kongphaly.la/2015/10/26/list-of-all-enthnicies-in-laos/
- 4,62% – https://kongphaly.la/2015/03/29/new-update-unitel-unlimited-speed-and-data-internet-package-for-sim-net/amp/
- 3,58% – https://kongphaly.la
5 ອັນດັບ ໜ້າເວັບທີ່ຖືກເປີດອີງຕາມຫົວຂໍ້ເລື່ອງ
