Unitel ເປີດໂຕ 4G LTE
Unitel ໄດ້ເປີດໂຕ 4G LTE ເປັນເຄືອຂ່າຍທີສອງຂອງປະເທດລາວ ຖັດຈາກ ລາວໂທລະຄົມ (Lao Telecom) ໂດຍເຮົາສາມາດໃຊ້ໄດ້ໃນເຂດຕົວເມືອງ 4 ແຂວງໄດ້ແກ່ ແຂວງ ນະຄອນຫຼວງວຽງຈັນ, ແຂວງ ສະຫວັນນະເຂດ, ແຂວງ ຫຼວງພະບາງ ແລະ ແຂວງ ຈຳປາສັກ. ແຕ່ເພິ່ນຍັງບໍ່ບອກຈຸດໃຫ້ຊັດເຈນເທື່ອວ່າໃຊ້ໃນຈຸດໃດໄດ້ແນ່ໃນເຂດຕົວເມືອງ. ໃຜທີຢູ່ໃນແຂວງນີ້ສາມາດເຂົ້າໄປສູນບໍລິການເພື່ອຂໍປ່ຽນເອົາຊິມ 4G ໄດ້ຕັ້ງແຕ່ວັນນີ້ (ວັນທີຂຽນ) ຈົນເຖິງວັນທີ 11 ມິຖຸນາ 2015 ໄດ້ຟຣີ.
ໃນເລື່ອງຂອງແພັກເກດອິນເຕີເນັດຂອງ 4G (ເບີໂທ) ມີລາຍລະອຽດດັ່ງນີ້:
| ຊື່ແພັກເກດ | ລົງທະບຽນຜ່ານ SMS | ລົງທະບຽນຜ່ານໜ້າຈໍ(ກົດປຸ່ມໂທ) | ຄ່າລົງທະບຽນ(ກີບ) | ດາຕ້າຟີຣ(MB) | ໄລຍະການນຳໃຊ້(ວັນ) |
| G0 | G0 ສົ່ງ 299 | *299*0# ໂທອອກ | 0 | 0 | – |
| G5 | G5 ສົ່ງ 299 | *299*5# ໂທອອກ | 5,000 | 150 | 1 |
| G15 | G15 ສົ່ງ 299 | *299*15# ໂທອອກ | 15,000 | 450 | 7 |
| G50 | G50 ສົ່ງ 299 | *299*50# ໂທອອກ | 50,000 | 1,300 | 30 |
| G120 | G120 ສົ່ງ 299 | *299*120# ໂທອອກ | 120,000 | 3,500 | 30 |
| G1000 | G1000 ສົ່ງ 299 | *299*1000# ໂທອອກ | 1,000,000 | 40,000 | 30 |
ໝາຍເຫດ: ໝາຍຫຼັງໝົດດາຕ້າຟຣີແລ້ວແມ່ນຈະຄິດໄລ່ 300 ກີບ ຕໍ່ MB. ທ່ານຕ້ອງລົງທະບຽນນຳໃຊ້ 4G ກ່ອນຈຶ່ງນຳໃຊ້ແພັກເກດ 4G ໄດ້ໂດຍພິມ “4G” ສົ່ງໄປ 299.
ຂອບໃຈຂໍ້ມູນ Unitel Facebook Page
