ບັນດາສິ່ງຫຼອກລວງຕ່າງໆໃນ Facebook ທີ່ເຮົາຢ່າຫຼົງເຊ?
ຕາມການລາຍງານຂອງບໍລິສັດຜະລິດໂປແກມປ້ອງກັນແອນຕີ້ໄວຣັດ BitDefender ໄດ້ເປີດເຜີຍລາຍຊື່ອັນດັບປະເພດສິ່ງຫຼອກລວງທີເກີດຂຶ້ນຫຼາຍທີສຸດໃນ Facebook. ປີນີ້ໜ້າຈະແມ່ນເລື່ອງວີດີໂອລັບນັກຮ້ອງດັງ Rihana ທີຍັງເປັນທີນິຍົມກັນໃນການໃຊ້ໃນການຫຼອກລວງ. ສ່ວນປີກາຍນີ້ແມ່ນວີດີໂອລັບຂອງນັກຮ້ອງດັງ Taylor Swift ແຕ່ຕອນນີ້ແມ່ນບໍ່ມີໃຫ້ພົບເຫັນກັນອີກແລ້ວ.
ເຮົາຈະມາເບິ່ງກັນວ່າ 10 ອັນດັບສິ່ງຫຼອກລວງທີ່ເຮົາມັກພົບເຫັນໃນໜ້າ New feeds ຂອງ Facebook ທີ່ເຮົາໃຊ້ເປັນປະຈຳນັ້ນເຮົາພົບເຫັນຫຼາຍກ່ອນໝູ່ແມ່ນຫຍັງ? ເພື່ອທີເຮົາຈະໄດ້ຮູ້ ແລະ ບໍ່ຫຼົງເຊື່ອກົດເຂົ້າໄປ.
1. Profile Visitor Stats 30.20%
ເຮົາຈະສັງເກດເຫັນວ່າມີຄົນເຂົ້າມາເບິ່ງໜ້າ Profile ເຮົາເທົ່ານັ້ນເທົ່ານີ້ ຫຼື ວ່າຂອງຜູ້ອື່ນເທົ່ານັ້ນເທົ່ານີ້ແລ້ວບອກໃຫ້ເຮົາກົດເຂົ້າໄປເພື່ອຢາກຮູ້ວ່າຈະມີຄົນເຂົ້າມາເບິ່ງໜ້າ Profile ເຮົາເທົ່າໃດ. ເຊິ່ງວ່າສິ່ງແບບນີ້ແມ່ນ Facebook ບໍ່ໄດ້ອານຸຍາດໃຫ້ເຮັດແບບນີ້ເດີ້. ບາງຄັ້ງມັນອາດຈະມາເປັນແບບແອ໋ບຂໍອານຸຍາດເຮົາກ່ອນຕາມຮູບດ້ານລຸ່ມ ຫ້າມກົດເຂົ້າໄປເດັດຂາດ.
2. Change Profile Color 7.38%
ອັນນີ້ແມ່ນມັນຈະຂຶ້ນມາບອກວ່າເຮົາສາມາດປ່ຽນສີຂອງໜ້າຕາ Facebook ເຮົາໄດ້ໄດ໋ລອງກົດເຂົ້າໄປເບິ່ງແມ້ ພໍແຕ່ກົດເທົ່ານັ້ນລະເປັນສີຟ້າຄືເກົ່າຮະຮະ ອັນນີ້ກະເປັນອີກສິ່ງໜຶ່ງທີ່ Facebook ບໍ່ໄດ້ອານຸຍາດໃຫ້ເຮົາເຮັດ ເຮົາສິມາປ່ຽນສີອີຫຍັງບໍ່ໄດ້ເດີ້ ບໍ່ແມ່ນ Hi5.
3. Rihana Sex Tape 4.76%
ອັນວີດີໂອຫຼຸດຫັ້ນຫຼຸດໜີ້ຂອງດາລາຫັ້ນຢາໄປຫຼົງເຊື່ອຫຼາຍເດີ້ ມັນເປັນພຽງເລື່ອງຂີ້ຕົວະເທົ່ານັ້ນ ກະຮູ້ໆກັນຢູ່ວ່າຄົນເຮົາມັກຊອກຮູ້ຊອກຫາກັນຢູ່ເນາະອັນແນວຫຼຸດໆນິ ຢ່າຫຼົງໄປກົດເຂົ້າເດີ້.
4. Free Facebook T-Shirt 4.12%
ອັນນີ້ໜິບໍ່ຄອຍເຫັນດ້ວຍໂຕເອງປານໃດອັນແຈກຫັ້ນແຈກໜີ້ ແຕ່ວ່າອັນທີແປກກະຄືວ່າມັນແຈກເສື້ອ Facebook ຈາກທ່ານມາກ ຊັກເກີເບີກໜີ້ອັນທີແປກ.
5. Say Goodbye to Blue Facebook 2.76%
ອັນນີ້ກະມາຄ້າຍໆກັນກັບໂຕທີໄດ້ເວົ້າກັນໃນອັນດັບທີ 2
6. Unsealed products, free giveaway 2.41%
ອັນນີ້ເຮົາກະຕ້ອງພິຈາລະນາດີໆວ່າຜູ້ທີ່ທີແຈກນັ້ນເຊື່ອຖືໄດ້ບໍ່ ບໍ່ແມ່ນວ່າອີຫຍັງມາເຫັນວ່າຟຼີຈັດໂລດກະບໍ່ເປັນເນາະ
7. Check if a friend deleted you 2.27%
ອັນນີ້ກະບໍ່ສາມາດເຮັດໄດ້ໃນ Facebook ແລະ Facebook ບໍ່ໄດ້ມີໃຫ້ເຮັດຄືກັນສະນັ້ນຢ່າກົດເຂົ້າໄປ. ຄວາມເປັນຈິງແລ້ວຖ້າເຮົາຢາກຮູ້ແມ່ນເຮົາຕ້ອງເບິ່ງດ້ວຍໂຕເອງໄລ່ລາຍຊື່ໝູ່ແຕ່ລະຄົນທີຕົນມີຈົດບັນທຶກປະຈຳວັນໄວ້ວ່າມີໃຜແນ່ ເອີໃຜສິມີເວລາວ່າງປານນັ້ນເນາະ.
8. See you top ten stalker 1.74%
ອັນນີ້ກະອີກອັນໜຶ່ງລໍ້ໃຫ້ເຮົາກົດເຂົ້າໄປເພື່ອເບິ່ງວາມີໃຜລັກເບິ່ງ Facebook ເຮົາເອົາແທ້ເອົາວ່າ. ອັນນີ້ບໍ່ມີທາງຮູ້ໄດ້ແນ່ນອນ.
9. Find out who viewed your profile 1.55%
ຢາກຮູ້ວ່າເຮົາດັງສ່ຳໄດ໋ໃຫ້ເຂົ້າໄປເບິ່ງວ່າຊັ້ນ ຢາກຮູ້ວ່າໃຜເບິ່ງ Facebook ເຮົາແນ່ ອັນນີ້ຄັນຢາກຮູ້ກະຖາມກັນເອງເດີ້, ເຮົາບໍ່ສາມາດຮູ້ໄດ້ວ່າໃຜກຳລັງເບິ່ງ ຫຼື ວ່າເຄີຍເຂົ້າມາເບິ່ງ Profile ເຮົາແນ່.
10. Just cahnged my Facebook theme. It’s amazing 1.50%
ໂຄດໜ້າອັດສະຈັນໃຈເລີຍເວີ້ຍປ່ຽນໜ້າຕາ Facebook ມັນຕ້ອງໄດ້ແຫຼະ, ມັນສິອັດສະຈັນໃຈຕອນທີຮູ້ວ່າມີໄວຣັດເຂົ້າຄອມເຮົາແລ້ວຫຼາຍກ່ວາ.
10 ອັນດັບທີກ່າວມານີ້ຖ້າໃຜເຫັນກະຢ່າຫຼົງເຊືອກົດເຂົ້າໄປຢ່າງເດັດຂາດເດີ້.
ຄວາມເຫັນຂອງຜູ້ຂຽນ
ປັດຈະບັນເຫັນວ່າໂລກສັງຄົມອອກລາຍໄດ້ເຂົ້າມາມີບົດບາດໃນການໃຊ້ຊີວິດປະຈຳວັນຂອງເຮົາຫຼາຍ ເຮົາເຊື່ອແນ່ວ່າບາງຄົນຕື່ນເຊົ້າມາແລ້ວຈັບໂທລະສັບເຂົ້າ Facebook ່ກອນເລີຍກະມີ ບໍ່ພຽງແຕ່ເທົ່ານັ້ນເຂົ້າໜ້າເວັບຄືກັນ Facebook First ໂລດ ແລະ ອີກຢ່າງ Facebook ກໍເປັນອີກສັງຄົມອອນລາຍໜຶ່ງທີ່ຄົນໃຊ້ຫຼາຍ ເຊິ່ງມັນໄດ້ເຮັດໃຫ້ເປັນອີກຊ່ອງທາງໜຶ່ງທີໃຊ້ໃນການໂຈມຕີຂອງຄົນທີບໍ່ຫວັງດີ ຍ້ອນຄວາມບໍ່ຮູ້ເທົ່າບໍ່ເຖິງການເຮົາອາດຈະຫຼົງເຊື່ອທຸກໆສິ່ງທີ່ເຫັນໃນໜ້າ New Feeds ຂອງເຮົາຈາກການແຊ(share) ຈາກໝູ່ເຮົາ ຫຼື ໝູ່ໃນ Facebook ທີ່ເຮົາບໍ່ຮູ້ຈັກ ແມ່ນຢູ່ວ່າທຸກຄົນກໍຄົງສິຢາກຮູ້ຢາກເຫັນແຕ່ເຮົາກະຕ້ອງພິຈາລະນາເບິ່ງວ່າສິ່ງທີເຂົາສົ່ງມານັ້ນມັນແມ່ນຄວາມຈິງບໍ່ ຖ້າເຮົາບໍ່ຄິດໆດີແລ້ວເຮົາກົດເຂົ້າໄປມັນອາດສ້າງຄວາມເສຍຫາຍໃຫ້ກັບເຮົາໄດ້ເຊັ່ນ: ລັກເອົາຂໍ້ມູນສ່ວນໂຕຂອງເຮົາໄປ ຫຼື ໄວຣັດເຂົ້າມາໃນອຸປະກອນນຳໃຊ້ຂອງເຮົາໄດ້.
ຂອບໃຈຂໍ້ມູນຈາກ Gizmodo ແລະ TheGuardian
