Module 1: ແນະນຳເວັບສຳລັບໂທລະສັບ ແລະ ເປັນຫຍັງຄືສຳຄ
ເຮົາຈະໄດ້ຮຽນຮູ້ຫຍັງແນ່ຈາກ module ນີ້?
ໃນປະຈຸປັນ ເຮົາຈະສັງເກດເຫັນວ່າພຶດຕິກຳການເຂົ້າເວັບຂອງຜູ່ໃຊ້ແມ່ນປ່ຽນໄປ ຫຼັງຈາກທີ່ smart phone ໄດ້ເຂົ້າມາ ແລະ ໃຜໆກໍ່ເປັນເຈົ້າຂອງມັນໄດ້. ພຶດຕິກຳການເຂົ້າເວັບໄຊຂອງເຮົາປ່ຽນໄປກໍຄື ແຕ່ກີ້ແຕ່ກ່ອນແມ່ນເຮົາມັກຈະເຂົ້າເວັບໄຊຜ່ານຄອມພິວເຕີຕັ້ງໂຕະ (Desktop) ແຕ່ວ່າ ເມື່ອຄົນເຮົາໃຊ້ເວລາຢູ່ກັບໂທລະສັບຂອງຕົນເອງຫຼາຍຂຶ້ນ ເຂ່ຍໄປເຂ່ຍມາ, ການທີ່ເຮົາ ຜູ່ທີ່ເປັນ web developer ຈະຕ້ອງໄດ້ຕື່ນໂຕ ແລະ ຖືເອົາການເຮັດເວັບໄຊສຳລັບໂທລະສັບເປັນເປົ້າໝາຍທີ່ສຳຄັນ. ຖ້າເວັບຂອງທ່ານໂຫຼດຊ້າຫຼາຍ, ຜູ່ໃຊ້ງານຂອງທ່ານກໍ່ຈະຫຼຸດລົງ. ກົງກັນຂ້າມ, ຖ້າເວັບທ່ານໂຫຼດໄວ ແຕ່ວ່າການອອກແບບ UX (User Experience) ບໍ່ດີ ເຮັດໃຫ້ຜູ່ໃຊ້ງານສັບສົນ. ໃນໂລກທີ່ໂທລະສັບເປັນຜູ່ນຳນີ້ ຄວາມຄາດຫຍັງຂອງຜູ່ໃຊ້ງານແມ່ນສູງ, ດັ່ງນັ້ນ ມັນຈຶ່ງສຳຄັນທີ່ເຮົາຈະຕ້ອງເຂົ້າໃຈຄວາມໄວຂອງເວັບສຳລັບໂທສະສັບ ແລະ UX ຂອງມັນ.
1.1 ພື້ນຖານຂອງເວັບໄຊສຳລັບໂທລະສັບ
ເມື່ອເຮົາເວົ້າເຖິງເວັບໄຊສຳລັບໂທລະສັບແນ່ນອນວ່າມັນສາມາດເຂົ້າເຖິງໄດ້ຜ່ານ web browser ຢູ່ໂທລະສັບມືຖືເຊັ່ນ: Chrome, Firefox, Safari ແລະ ອື່ນໆ, ມັນບໍ່ຈຳເປັນຕ້ອງໂຫຼດ ຫຼື ຖືກຕິດຕັ້ງໃນໂທລະສັບມືຖື.
ເປັນຫຍັງຜູ່ໃຊ້ງານຈຶ່ງເຂົ້າເວັບໄຊສຳລັບໂທລະສັບ?
- ມັນງ່າຍທີ່ຈະຖືກພົບເຫັນ (Easy to discover): ຍ້ອນຄົນເຂົ້າເວັບຜ່ານມືຖືຫຼາຍກ່ວາ ເວັບມືຖືຈຶ່ງມີໂອກາດຖືກພົບເຫັນງ່າຍກ່ວາ.
- ເບົາ (Lightweight): ບໍ່ຕ້ອງການຄວາມຈຳໃນຂອງອຸປະກອນສຳລັບຕິດຕັ້ງ.
- ຄຸ້ນເຄີຍ (Intuitive): ຜູ່ໃຊ້ງານມີຄວາມຄຸ້ນເຄີຍກັບການເຂົ້າເວັບໄຊມາກ່ອນ ໂດຍສະເພາະ ຮູ້ຈັກວິທີການເຮັດວຽກຂອງເວັບໄຊ.
ທ່ານຈະໄດ້ຮັບຜົນປະໂຫຍດຫຍັງແນ່ຕໍ່ທຸລະກິດຂອງທ່ານຈາກເວັບໄຊສຳລັບໂທລະສັບ?
- ສ້າງເທື່ອດຽວ, ໃຊ້ໄດ້ທຸກບ່ອນ (build once, run everywhere) ເວັບສຳລັບໂທລະສັບສາມາດໃຊ້ງານໄດ້ຂ້າມລະບົບປະຕິບັດການ (platform) ເຊັ່ນ iOS, Android ແລະ ລະບົບປະຕິບັດການອື່ນໆຜ່ານການເຊື່ອມຕໍ່ຜ່ານ web browser.
- ມີຄວາມສາມາດໃນການດັດແປງ (adaptability) ທ່ານສາມາດສ້າງເວັບໄຊແບບ responsive ເພື່ອແກ້ບັນຫາຂະໜາດໜ້າຈໍລະຫວ່າງໂທລະສັບ (phone) ແລະ ແທັບເລັດ (tablet) ໄດ້ ໂດຍບໍ່ຈຳເປັນຕ້ອງເຮັດສອງເວັບໄຊທີ່ຮອງຮັບແຕ່ລະອຸປະກອນ.
- ໃຊ້ເວລາສັ້ນໃນການພັດທະນາ (shorten development timelines) ເວັບສຳລັບໂທລະສັບເຮັດໃຫ້ງ່າຍຕໍ່ການອັບເດດ (ຜູ່ໃຊ້ບໍ່ຈຳເປັນຕ້ອງກົດຍອມຮັບເພື່ອອັບເດດ ຫຼື ຕິດຕັ້ງການອັບເດດໃດໆ)
- ຕົ້ນທຶນໃນການພັດທະນາຕ່ຳ (Lower development cost) ໂດຍທົ່ວໄປແລ້ວການສ້າງເວັບໄຊສຳລັບມືຖື ແມ່ນຖືກກ່ວາ ເພາະຂຽນບາດດຽວຈົບ ແລະ ໃຊ້ແຕ່ພາສາດຽວ (HTML).
- ເວັບເປີດກ້ວາງສຳລັບທຸກຄົນ (web is open for all)
- ງ່າຍຕໍ່ການຕິດຕາມ (Tracking is simpler)
1.2.1 ຄວາມຄາດຫວັງຂອງຜູ່ໃຊ້ງານ
ປະຈຸບັນປະສົບການຜູ່ໃຊ້ງານ (UX) ຢູ່ໂທລະສັບມືຖືແມ່ນຖືວ່າ ບໍ່ມີຫຍັງເລີຍ (broken) ການທີ່ເວັບໃຊ້ເວລາໂຫຼດດົນກ່ວາປົກກະຕິ ເປັນສາເຫດເຮັດໃຫ້ອັດຕາຂອງຜູ່ໃຊ້ງານອອກຈາກເວັບເຮົາສູງຂຶ້ນ (high bounce rate), ການຂາດປະສິຕິພາບໃນການ render ແລະ animation ເຮັດໃຫ້ສັບສົນຕໍ່ການໃຊ້ງານ ແລະ ຂາດຄວາມຄ່ອງຂອງຂັ້ນຕອນການ checkout ເຮັດໃຫ້ຜູ່ໃຊ້ລຳຄານ. ຖ້າຫຼຸດເວລາຂອງຜູ່ໃຊ້ທີ່ຈະຕ້ອງເບິ່ງ ຈໍຂາວໆບໍ່ມີຫຍັງ ຈະຊ່ວຍໃຫ້ເຂົາມີສ່ວນຮ່ວມກັບເວັບໄຊທ່ານຫຼາຍຂຶ້ນ ເຊິ່ງສິ່ງນີ້ຈະເພີ່ມມູນຄ່າຂອງຜູ່ໃຊ້ງານຕໍ່ການເຂົ້າເບິ່ງໜຶ່ງຄັ້ງ ເພີ່ມຂຶ້ນຕື່ມອີກ.
ຫຼັງຈາກທີ່ທ່ານເຫັນບັນຫາແລ້ວ ນີ້ລະເປັນຫຍັງຫຼາຍຄົນຈຶ່ງເລີ່ມສົນໃຈ mWeb ຫຼາຍຂຶ້ນເຊັ່ນ AMP (Accelerated Mobile Pages, PWA (Progressive Web Apps). ປະສິດຕິພາບບໍ່ເປັນພຽງແຕ່ສິ່ງດຽວທີ່ນັກພັດທະນາທັງຫຼາຍກັງວົນ ແຕ່ ການອອກແບບຄວາມສາມາດທີ່ຈຳເປັນກໍ່ເປັນສິ່ງສຳຄັນທີ່ຕ້ອງຄຳນຶງຄືກັນ. ເວັບໄຊທີ່ອອກແບບສວຍງາມແຕ່ວ່າພັດມີປະສິດຕິພາບທີ່ຕ່ຳກະບໍ່ໄດ້ເອີ້ນວ່າເປັນການ ເຮັດເວັບທີ່ດີໄດ້, ຍົກເວັ້ນແຕ່ວ່າ ອອກແບບງາມແຕ່ການອອກແບບນັ້ນສາມາດຕອບໂຈດແນວທາງຂອງຜູ່ໃຊ້ງານໄດ້.
ນັກພັດທະນາເວັບໃຊ້ສ່ວນຫຼາຍແມ່ນກຳລັງພົບບັນຫາກັບເວັບໄຊທີ່ ຕຸ້ຍເກີນໄປ (obesity) ຫຼື ຖ້າເວົ້າໃນທາງເຕັກນິກແລ້ວກໍຄື ເວັບໄຊທີ່ໜັກເກີນໄປນັ້ນເອງ (ບໍ່ໃຫ້ວ່າຫຍັງກັບເວັບ ຄົນກະຍັງເຈີກັບບັນຫາຕຸ້ຍຂຶ້ນຄືກັນໂດຍສະເພາະຜູ່ຍິງ ຈຸໆ) ອີງຕາມຂໍ້ມູນຈາກ Mobile HTTP Archive ຂະໜາດສະເລ່ຍຂອງໜ້າຂອງເວັບໄຊທີ່ຖືກເປີດຢູ່ອຸປະກອນມືຖືແມ່ນມີຂະໜາດໃຫຍ່ຫຼາຍເກືອບໆ 2MB ແລະ ຍັງບໍ່ລວມເນື້ອຫາອື່ນໆອີກທີ່ຍັງບໍ່ໄດ້ເອົາມາໄລ່ເຂົ້ານຳເຊັ່ນ (unprecedented number of resource) ຮູບພາບ, ວີດີໂອ, script ແລະ ສ່ວນອື່ນໆຂອງໜ້າເວບໄຊ (page component) ແລະ ເຊັ່ນດຽວກັນກັບຈຳນວນການ redirect.
ໃນປີ 2011 ຂະໜາດໜ້າເວັບສະເລ່ຍທີ່ຖືກເປີດຢູ່ໂທລະສັບມີຂະໜາດຢູ່ປະມານ 390 KB ເຊິ່ງຂະໜາດດັ່ງກ່າວ ຖ້າທຽບກັບສະໄໝນັ້ນແລ້ວ ມັນກໍ່ຍັງຖືວ່າເປັນຂະໜາດທີ່ໃຫຍ່ຢູ່. ຖ້າທຽບໃສ່ຂະໜາດຂອງເວັບໄຊປະຈຸບັນແມ່ນມີຂະໜາດໃຫຍ່ກ່ວານັ້ນເຖິງ 5 ເທົ່າ ພຸ້ນລະ.
ນອກນັ້ນຈາກນີ້, ພຶດຕິກຳຂອງຜູ່ໃຊ້ມືຖືແມ່ນ ມັກເບິ່ງເນື້ອຫາທີ່ມີຂະໜາດໃຫຍ່ (rich content) ເຊັ່ນ ວີດີໂອ ເປັນຕົ້ນ. ຍິ່ງໄປກ່ວານັ້ນ ບັນດາຜູ່ໃຫ້ບໍລິການເຄື່ອຂ່າຍໂທລະສັບມືຖືບາງເທື່ອຊັບພະຍາກອນມີຈຳນວນຈຳກັດ(ເຊັ່ນ: ຈຳກັດການໃຊ້ງານ (network throttling), ລົງທຶນໃນໂຄງລ່າງພື້ນຖານໜ້ອຍ) ແລະ ຜູ່ໃຫ້ບໍລິການມັກຈະບໍ່ສະໜອງໃຫ້ຕາມການຄວາມຕ້ອງການ ຫຼື ເວົ້າແບບພາສາເວົ້າກັນກະຄື ຜູ່ໃຊ້ງານສະເໜີ ແຕ່ຜູ່ໃຫ້ບໍລີການບໍ່ສະໜອງ ຫຼື ເວົ້າອີກແນວໜຶ່ງວ່າ ອຸປະທານບໍ່ໄປຕາມອຸປະສົງ.
ຈາກບັນຫາດັ່ງກ່າວ ຜູ່ໃຊ້ງານກໍເລີຍມັກຈະອອກຈາກໜ້າເວັບ ແລະ ບໍ່ແປກທີ່ເປັນຫຍັງອັດຕາການໃຊ້ງານລະຫວ່າງໂທລະສັບມືຖືຈຶ່ງໜ້ອຍກ່ວາການໃຊ້ງານຢູ່ Desktop (ບາງຄັ້ງຜູ່ທີ່ຜິດກະບໍ່ແມ່ນຜູ່ເຮັດເວັບໄຊພຽງຢ່າງດຽງ ຜູ່ໃຫ້ບໍລິການກໍ່ມີສ່ວນຄືກັນ ອືມມມ).
ຈາກຜົນການໂຫວດລ່າສຸດຂອງ Google ເກືອບເຄິ່ງໜຶ່ງຂອງຈຳນວນຜູ່ທີ່ເຂົ້າໄປໂຫວດ ບອກວ່າ ສິ່ງທີ່ເຮັດໃຫ້ເຂົາເຈົ້າລຳຄານທີ່ສຸດເວລາທີ່ເຂົ້າໜ້າເວັບຜ່ານໂທລະສັບມືຖື ກໍ່ແມ່ນ ການທີ່ຈະຕ້ອງມາເສຍເວລາຖ້າເວັບໂຫຼດ (ເວັບໂຫຼດຊ້າ) (ສາມາດເບິ່ງລາຍລະອຽດຕື່ມໄດ້ທີ່ Google+ ແລະ Twitter). 60% ຂອງຜູ່ໃຊ້ງານໂທລະສັບມືຖືຢາກໃຫ້ເວັບໄຊສຳລັບໂທລະສັບໂຫຼດພາຍໃນໄລຍະເສລາ 3 ວິນາທີ ແລະ ໂດຍທົ່ວໄປ 75% ຂອງຜູ່ໃຊ້ງານຈະບໍ່ເຂົ້າເວັບນັ້ນອີກເລີຍ ຖ້າ ເວັບນັ້ນໂຫຼດດົນກ່ວາ 5 ວິນາທີ.
1.2.2 ຜົນກະທົບຈາກການແລກປ່ຽນ ແລະ ປະຕິສຳພັນ
ທຸກເທື່ອທີ່ເຮົາເວົ້າຄຳວ່າ ຊ້າ ແນ່ນອນວ່າມັນຕ້ອງບໍ່ມີໃຜຢາກເປັນແນ່ນອນ ແລະ ບໍ່ຢາກພົບໃນໂທລະສັບອີກ. ການທີ່ເວັບຊ້າມັນຈະກະໄປກະທົບກັບປະສິດຕິພາບ ໃນບ່ອນນີ້ປະສິດຕິພາບໝາຍຄວາມວ່າ ຈະໄປກະທົບກັບ site abandonment, bounce rate, conversation rate ແລະ retention. ມັນຍັງໄປຫຼຸດຄວາມໄວຂອງ Google crawler (ເວລາທີ່ເຮົາເຮັດເວັບໄຊ ແລ້ວ Google ຈະເກັບເວັບໄຊເຮົາ ເຂົ້າໄປໃນຄັງຄົ້ນຫາ ຫຼື index ເວັບໄຊເຂົ້າໄປໃນໜ້າຜົນຄົ້ນຫານັ້ນ ຖ້າເວັບໄຊເຮົາຊ້າ ການ crawling ຂອງ robot ຈາກ Google ກໍຈະຊ້າຕາມ ມັນຈະເຮັດໃຫ້ເວັບເຮົາຖືກ index ຊ້າລົງ). ບັນຫາທີ່ກ່າວມານີ້ມັນບໍ່ເປັນຜົນດີຫຍັງເລີຍຕໍ່ ເຈົ້າຂອງເວັບເອງ ແລະ ລວມທັງຜູ່ໃຊ້ເຂົ້າມາເບິ່ງເວັບໄຊເຮົາພ້ອມ.
ການທີ່ເຮົາສາມາດຫຼຸດເວລາການໂຫຼດໜ້າເວັບເຮົາລົງ ມັນຈະຊ່ວຍໃຫ້ເຮົາເພີ່ມຍອດຂາຍ ແລະ ເພີ່ມອັດຕາການໂຕ້ຕອບຈາກລູກຄ້າ ເພີ່ມຂຶ້ນໄດ້ຢ່າງຊັດເຈນ. ຈາກຜົນການສຶກສາ ພົບວ່າ ການໂຕ້ຕອບຕໍ່ວິນາທີ (conversation per second) ເພີ່ມຂຶ້ນຕາມການຫຼຸດລົງຂອງເວລາໃນການໂຫຼດ (load time). ອີກໜຶ່ງຜົນການສຶກສາ ກ່ຽວກັບຫົວຂໍ້ ໄລຍະເວລາຂອງການໂຫຼດ (load time) ຜົນການສຶກສາບອກວ່າ ເວລາທີ່ເຈົ້າຂອງເວັບປັບປຸງປະສິຕິພາບຂອງເວັບໃຫ້ໄວຂຶ້ນ, ລາຍໄດ້ຂອງກະເຈົ້າຂອງເພີ່ມຂຶ້ນ.
ພາບຂ້າງລຸ່ມສະແດງເຖິງການພົວພັນລະຫສ່າງຄວາມໄວ ແລະ ອັດຕາການໂຕ້ຕອບ (conversation rate):
ບາງໜ້າເວັບທີ່ໂຫຼດໄວກ່ວາ 2.4 ວິນາທີ ເຫັນວ່າມີອັດຕາການໂຕ້ຕອບທີ່ຕ່ຳ, ແຕ່ວ່າ ຍັງບໍ່ຮູ້ແນ່ນອນເທື່ອວ່າເປັນຍ້ອນຫຍັງ ເພາະສາເຫດທີ່ມັກເກີດທີ່ສຸດແມ່ນ ໜ້າເວັບທີ່ໂຫຼດໄວສ່ວນຫຼາຍແມ່ນ ໜ້າເວັບຜິດພາດ (error page/ 404).
ຂໍ້ມູນຈາກ SOASTA Case study (1 ກັນຍາ 2015)
1.2.3 ເປັນຫຍັງ UX ຈຶ່ງສຳຄັນ
- ຕົ້ນທຶນປະສິຕິຜົນ (cost-effectiveness)
- Lowering customer acquisition costs
- More money to spend on additional acquisition
- Small changes make big impact
ຂອບໃຈຂໍ້ມູນຈາກ Google | Mobile Site Certificate | Assessment study guide