Minna no cafe ຮ້ານກາເຟທີ່ເຮັດໃຫ້ປະສົບການສັ່ງກາເ?
ຈາກການທີ່ໄດ້ໄປລອງກາຟຫຼາຍໆຮ້ານ ແລ້ວເຮົາໄດ້ໄປລອງຮ້ານກາເຟໜຶ່ງມີຊື່ວ່າ Minna no cafe ເຊິ່ງຮ້ານກາເຟດັ່ງກ່າວເປັນຮ້ານນ້ອຍໆ ອົບອຸ່ນດີ ແລະ ຮ້ານນີ້ິ້ແມ່ນມີສິ່ງທີ່ພິເສດກ່ອນຮ້ານອື່ນໆໝົດ ຈົນເຮັດໃຫ້ເຮົາຕ້ອງຄິດໃນໃຈວ່າ ແອະມີຮ້ານແບບນີ້ນຳຫວາ ຫາກໍ່ຮູ້ໄດ໋ນິ ເຮົາໄປຢູ່ໃສມາ ແລະ ກະຈົບໂດຍການທີ່ມາຂຽນບົດຄວາມນີ້ແບ່ງປັນຄວາມພິເສດຂອງງານນີ້ວ່າມັນພິເສດຈັ່ງໃດ?
ເລີ່ມຈາກຊື່ຮ້ານກັນກ່ອນວ່າມີທີ່ມາ ແລະ ຄວາມໝາຍວ່າແນວໃດ Minna no ໝາຍຄວາມວ່າແນວໃດ? ອັນນີ້ແມ່ນຢືມມາຈາກ Facebook page ເພິ່ນເດີ້
[ມິນາໂນກາເຟ] ແມ່ນໄດ້ເປີດແຕ່ວັນທີ່1ເດືອນສີງຫາ(01.8.2017) ຮ້ານກາເຟສ້າງຂື້ເພື່ອສັງຄົມ ເຊີ່ງຄົນພິການືທ່າງສະຕິປັນຍາ ແລະ ຄົນຫູໜວກເປັ້ນຜູ້ບໍລິການ [Minna] ແມ່ນຄຳສັບພາຢີປຸ່ນ,ແຕ່ວ່າຄວາມໝາຍພາສາລາວ [ທຸກຄົນ] ເຫດພົນທີ່ຕັ່ງຊື່ຮ້ານນີ້ ຍ້ອນເປັ້ນບ່ອນທີ່ທຸກຄົນເຕົ້າໂຮມ,ເປັ້ນບ່ອນທີ່ທຸກຄົນເຮັດວຽກ ໂດຍບໍ່ຈຳແນກຄົນພິການແລະບໍ່ພິການ ຢູ່ຮ້ານກາເຟນີ້ ຄົນພິການທາງປັນຍາເປັ້ນຜູ້ເຮັດເຂົ້າໜົມແລະຄົນພິການຫູເປັ້ນຜູ້ຮັບຜິຊອບຕ້ອນຮັບແຂກ ເຂັ້າໜົມທີ່ເຮັດຢູ່ຮ້ານ [Minna no Cafe]ແມ່ນໄດ້ຮັບພິທີ່ສິດສອນຈາກສູດຢີ່ປຸ່ນ ຄົນພິການທາງປັນຍາທີ່ເຮັດວຽກຢຢູ່ຮ້ານກາເຟນີ້ ແມ່ນໄດ້ຮັບການຝຶກຊ້ອມເຮັດເຂົ້າໜົມຈາກທີມຄຸກກີ້ເອດີດີພີທຸກໆມື້ໄດ້ເອົາໃຈໃສຝື້ຊ້ອມເຮັດເຂົ້າໜົມຢ່າງສຸດຝີມື ມາອຸດໜຸນຮ້ານກາເຟຂອງພວກເຮົາແດ່ເດີ,ພວກເຮົາຍິນດີຕ້ອນຮັບພວກທ່ານສະເໝີ
ເຫັນບໍ່ວ່າຟັງທີ່ມາ ແລະ ຄວາມໝາຍຂອງຮ້ານແລ້ວ ຍັງຮູ້ສຶກໄດ້ເລີຍວ່າ ບໍ່ໄດ້ຕັ້ງຊື່ມາຫຼິ້ນໆລ້າໆ ມັນຍັງມີຄວາມໝາຍ ແລະ ຈຸດປະສົງນຳອີກ!
ຖ້າໄດ້ອ່ານແລ້ວ ເອໃຈບໍ່ກັບຄຳວ່າມີຫຍັງທີ່ຮ້ານນີ້ແຕກຕ່າງຈາກຮ້ານທົ່ວໆໄປ?
ສິ່ງທີ່ພິເສດກ່ອນຮ້ານອື່ນໆກໍຄືວ່າຮ້ານນີ້ ແມ່ນຜູ້ທີ່ຊົງກາເຟໃຫ້ ຜູ້ທີ່ມາເສີບໃຫ້ແມ່ນ ຄົນພິການທາງຫູ ສິ່ງນີ້ລະທີ່ເປັນຈຸດພິເສດຂອງຮ້ານນີ້. ສະນັ້ນ, ການສັ່ງກາເຟແບບປົກກະຕິກໍ່ບໍ່ສາມາດສັ່ງໄດ້ ວິທີການສັ່ງກາຟກໍ່ຄືການສັ່ງຜ່ານການຈົດໃສ່ເຈ້ຍ.
ກະເຈົ້າຈະມີເຈ້ຍມາໃຫ້ເປັນຕາຕະລາງເມນູມາເລີຍ ໜ້າຕາຂອງເຈ້ຍສັ່ງແມ່ນຈະເປັນປະມານຮູບຢູ່ດ້ານລຸ່ມ ຖ້າເຮົາຈະສັ່ງໂຕໃດ, ຈັກຈອກ, ເຢັນ ບໍ່ເຢັນ, ກິນຢູ່ຮ້ານ ຫຼື ບໍ່ກິນຢູ່ຮ້ານ ສາມາດສັ່ງໄດ້ດ້ວຍການຈົດ.
ປະສົບການສັ່ງຄັ້ງທຳອິດຂອງເຮົາຖືວ່າ ເປັນອີ່ຫຍັງທີ່ໃໝ່ຫຼາຍ ແບບວ່າເຮົາລຶ້ງສັ່ງແບບເວົ້າເອົາລະເວີ້ຍ ແລ້ວມາສັ່ງແບບຈົດເອົາປະສົມປະສານກັບໃຊ້ພາສາມືໜ້ອຍໜຶ່ງເພື່ອເພີ່ມຄວາມໝັ້ນໃຈວ່າກະເຈົ້າຈະເຂົ້າໃຈວ່າເຮົາຈະສັ່ງຫຍັງ.
ການບໍລິການຖືວ່າດີເລີດ ເລີຍລະ ເປັນມິດດີ ແຖມກະເຟກະແຊບອີກ ຫອມໆດິບໆ, ແຖມຍັງເສີບພ້ອມອຸປະກອນທີ່ຄົບແຮງປານກັບຮ້ານລະດັບຈອກລະ 25ພັນ ຂຶ້ນໄປ ດີບໍ່ດີແມ່ນດີກວ່າບາງຮ້ານຊ້ຳ. ເພາະວ່າ ມັນຄົບອີຫຼີ່ ຕາມພາບເລີຍ.
ການບໍລິການທີ່ປະທັບໃຈເຮົາທີ່ສຸດກະຄືການທີ່ ນຳມາສົ່ງເຮົາຮອດໜ້າປະຕູ ເປັນອີ່ຫຍັງທີ່ເຮົາປະທັບໃຈສຸດເລີຍ ອາດຈະເປັນຍ້ອນວ່າໄດ້ຮັບການສອນຈາກຄົນທີ່ເປັນຍີ່ປຸ່ນແນ່ຕີ້ເບາະ ເຮົາຄິດວ່າແນວນັ້ນ.
ຣົດຊາດຂອງກາເຟ ກະຖືວ່າຣົດຊາດແມ່ນໃຊ້ໄດ້ເລີຍສຳລັບຄໍກາເຟ ເພາະວ່າບໍ່ພຽງແຕ່ມີກາເຟທີ່ມີຫຼາກຫຼາຍແລ້ວ ເມນູທີ່ເຮົາມັກທີ່ສຸດກະຄືກາເຟທີ່ໃຊ້ວິທີການຊົງດ້ວຍການ pour over ຫຼື drip ນີ້ລະ ທີ່ເຮົາມັກ ເຊິ່ງວ່າທຽບກັບລາຄາແລ້ວຖືວ່າຄຸ້ມສຸດໆ. ໃຫ້ທ່ານຄິດເບິ່ງວ່າ ທ່ານສາມາດດື່ມກາເຟດິຣບຣົດຊາດດີໆໄດ້ ດ້ວຍລາຄາ 15.000 ກີບ ໄດ້ຢູ່ໃສ?
ສ່ວນຫຼາຍແມ່ນເຮົາມັກສັ່ງກາເຟດິຣບ ແຕ່ບາງເທື່ອກະຍັງສັ່ງກາເຟອື່ນອີກນຳເຊັ່ນ: Cappuccino ບໍ່ ຫຼື ວ່າ Latte ແລ້ວແຕ່ໂອກາດ ແຕ່ວ່າບໍ່ໄດ້ເປັນຄໍປະເພດນົມປານໃດ ມັກແບບສົດໆພຽວຫຼາຍກວ່າ 😉
ສິ່ງທີ່ເຮົາມັກອີກຢ່າງໜຶ່ງກະຄື ເມື່ອເຮົາສັ່ງກາເຟກັບບ້ານ ເຮົາຈະໄດ້ຈອກແບບວ່າຄືກັບຈອກນ້ຳປັ່ນທົ່ວໄປ ບໍ່ມີກາໂລໂກ້ຮ້ານ ຫຼື ວ່າອີ່ຫຍັງຕິດໃສ່ເລີຍ ຖືວ່າ minimal ຫຼາຍ (ແນະນຳແມ່ນເອົາຈອກຂອງຕົນໄປດີທີ່ສຸດ ເພື່ອໂລກສີຂຽວ) ຖ້າຄົນອື່ນເບິ່ງນິຄົງສິແບບຈອກກາເຟທຳມະດາ ແຕ່ຂໍບອກກ່ອນວ່າລອງດູດຈັກກືນໜຶ່ງນິແມ່ນບໍ່ມີກາເຟທຳມະດາເດີ້ ຫະໆ ເຮົາມັກປຽບເປີຍວ່າ ກາເຟຈອກ 10.000 ກີບ ຣົດຊາດຈອກ 25.000 ກີບ.
ສຳລັບໃຜທີ່ສົນໃຈແມ່ນສາມາດໄປອຸດໜຸນຮ້ານຂອງເພິ່ນໄດ້ ເຊິ່ງຮ້ານແມ່ນຕັ້ງຢູ່ຂ້າງ ສູນຝືກອົບຮົມລາວ-ສິງກະໂປ ຮ່ອມສາມແຍກ ພັດຕະຄານແມ່ຂອງ.
ເປີດຮ້ານ ວັນຈັນ ຫາ ວັນເສົາ ເວລາ 8:00 ຫາ 18:00
