Google Online Marketing Challenge 2015 ເປີດແລ້ວ
ເລີ່ມຂຶ້ນແລ້ວລະດູການແຂ່ງຂັນການຕະຫຼາດອອນລາຍ Google ປີ 2015 ຫຼື ເອີ້ນວ່າ Google Online Marketing Challenge (GOMC).
ການແຂ່ງຂັນການຕະຫຼາດອອນລາຍ Google ໄດ້ກ້າວເຂົ້າສູ່ປີທີ 8 ກັນແລ້ວ ເປັນການແຂ່ງຂັນການຕະຫຼາດອອນລາຍສຳລັບນັກສຶກສາຈາກສະຖາບັນຕ່າງໆທົ່ວໂລກ ແລະ ພິເສດສຸດກໍຄືໄດ້ມີການຮັບຮອງເອົາປະເທດລາວເຂົ້າໃນການແຂ່ງຂັນໂຕນີ້ນຳອີກ. ທີມນັກສຶກສາຈະຕ້ອງມີການສຶກສາ ແລະ ດຳເນີນການໂຄສະນາອອນລາຍໂດຍໃຊ້ບໍລິການຂອງ Google ເປັນເຄື່ອງມືໃນການເຮັດວຽກເຊັ່ນ: Google + ແລະ AdWords ໃຫ້ກັບທຸລະກິດຕົວຈິງ ຫຼື ອົງການທີບໍ່ສະແຫວງຫາຜົນກຳໄລ ເຊິ່ງຈະຂຶ້ນກັບວ່າຜູ້ແຂ່ງຂັນຈະເລືອກເອົາໂຕໃດ. ຜູ້ເຂົ້າແຂ່ງຂັນຈະໄດ້ຮັບງົບປະມານຈາກ Google ເປັນເງິນຈຳນວນ 250 ໂດລາສະຫະລັດ ໃນການດຳເນີນການ. ໃນການເລືອກຜູ້ຊະນະຈະຂຶ້ນກັບການລາຍງານຜົນຕອບຮັບຈາກການເຮັດໂຄສະນາວ່າມີປະສົບຜົນສຳເລັດ ແລະ ຄຸນນະພາບໃນການເຮັດໂຄສະນາໄດ້ດີສ່ຳໄດ.
ໃນຕອນນນີ້ແມ່ນເປີດໃຫ້ລົງທະບຽນແລ້ວຕັ້ງແຕ່ຕົ້ນເດືອນຕຸລາ ເຖິງ ກາງເດືອນ ເມສາ.
ໃຜທີສົນໃຈສາມາດເຂົ້າໄປສຶກສາຂໍ້ມູນເພີ່ມຕື່ມໄດ້ທີ Google Online Marketing Challenge
ວີດີໂອສຳລັບຜູ້ຊະນະ Google Online Marketing Challenge ຮອບທົ່ວໂລກປີ 2014
