ລ່າກ່ອນສູນລັບລອຍນ້ຳຂອງ Google
ໃນຊ່ວງຫຼັງໆເຮົາຈະເຫັນໄດ້ວ່າ Google ໄດ້ເລີ່ມປິດບໍລິການຜະລິດຕະພັນຂອງຕົນທີ່ບໍ່ໄດ້ຮັບລາຍໄດ້ ແລະ ຜົນຕອບຮັບຈາກຜູ້ໃຊ້ຫຼາຍ. ນອກຈາກຈະປິດຜະລິດຕະພັນຂອງຕົນແລ້ວຍັງໄດ້ປິດສິ່ງປຸກສ້າງນຳອີກ ສິ່ງທີ່ປິດໄປຄືສູນລັບລອຍນ້ຳທີ່ລອຍຢູ່ແມ່ນ້ຳໃນ Portland. ວ່າກັນວ່າສູນລັບແຫ່ງນີ້ແມ່ນບ່ອນທີ່ສ້າງຜະລິດຕະພັນລັບໆຂອງທາງບໍລິສັດໂດຍແມ່ນໂຄງການ Project X ເຮັດວຽກຢູ່ທີນີ້.
Project X ເປັນໂຄງການທີ່ລວມໂຕຄົນອັດສະລິຍະຂອງບໍລິສັດມາເພື່ອສ້າງຜະລິດຕະພັນທີກ້າວໜ້າ ແລະ ທັນສະໄໝເພື່ອນຳໄປໃຊ້ໃນອານາຄົດ ໂຄງການນີ້ແມ່ນມີ Sergey Brin ຜູ້ຮ່ວມກໍ່ຕັ້ງ Google ເປັນຫົວໜ້າໂຄງການ. ຜະລິດຕະຜັນຂອງໂຄງການນີ້ທີໄດ້ອອກສູ່ສາຍຕາຂອງຄົນແລ້ວແມ່ນມີລົດໄຮ້ຄົນຂັບ, ຄອນແທກເລັນທີກວດວັດນ້ຳຕານຂອງຜູ້ໃຊ້ໄດ້ ແລະ ແວ່ນຕາອັດສະລິຍະ Google Glass.
ຂອບໃຈທີມາ Thenextweb
