EA Game ປ່ອຍໃຫ້ດາວໂຫຼດເກມ The Sims 2 Ultimate Collection ຟີຣ
ຂອບໃຈຮູບຈາກ Wikipedia http://upload.wikimedia.org/wikipedia/en/b/bd/The_sims_2.jpg
ມີໃຜຍັງຈື່ໄດ້ບໍ່ກັບເກມ The Sims 2 ເກມໂລກສະເໝືອນຈິງໃນຄອມພິວເຕີ ຫຼາຍຄົນທີ່ເກີດທັນກະຄົງຈະໄດ້ສຳຜັດກັນເນາະວ່າຫຼິ້ນແລ້ວຕິດຈົນບໍ່ຢາກລຸກອອກຈາກບ່ອນນັ່ງກັນເລີຍ. ເປັນເວລາສິບກ່ວາປີແລ້ວຕັ້ງແຕ່ເກມນີ້ອອກສູ່ສາຍຕາຕັ້ງແຕ່ປີ 2004 ພຸ້ນລະ ແລະ ທາງ EA Game ກໍໄດ້ຢຸດການສະໜັບສະໜູນເກມດັ່ງກ່າວແລ້ວ ນັ້ນໝາຍຄວາມວ່າຈະບໍ່ມີພາກເສີມ ແລະ ການແກ້ບັກ(Bug)ໃນໂຕເກມອີກຕໍ່ໄປ, ແຕ່ວ່າຜູ້ທີ່ໄດ້ຊື້ເກມໂຕນີ້ໄປນັ້ນກະຍັງສາມາດຕິດຕໍ່ສອບຖາມບັນຫາຕ່າງໆພາຍໃນເກມໄດ້ຢູ່.
ສະນັ້ນ, ທາງ EA Game ເພິ່ນໄດ້ມີການແຈກເກມ The Sims 2 Ultimate Collection ໃຫ້ເປັນຫຼິ້ນກັນແບບຟີຣ ໂດຍຈຳກັດເວລາຄືຕັ້ງແຕ່ມື້ນີ້ໄປຈົນຮອດວັນທີ 31 ກໍລະກົດ ທີຈະມາເຖິງນີ້ເທົ່ານັ້ນ. ຫາກໃຜສົນໃຈສາມາດເຮັດຕາມຄຳແນະນຳຂ້າງລຸ່ມນີ້ເລີຍ.
- ໃຫ້ໄປດາວໂຫຼດໂປແກມ Origin ມາກ່ອນໄດ້ທີ https://www.origin.com/en-sg/download
- ໃຫ້ທ່ານເຂົ້າໃຊ້ງານດ້ວຍບັນຊີຂອງ Origin. ຖ້າຫາກຍັງບໍ່ມີແມ່ນໃຫ້ໄປລົງທະບຽນກ່ອນ
- ໃຫ້ກົດເຂົ້າໄປທີ່ແຖບ “Origin” ໃນແຖບເມນູ ແລ້ວເລືອກ “Redeem Product Code”
- ພິມໂຄດໂຕນີ້ໃສ່ “I-LOVE-THE-SIMS“
ພຽງເທົ່ານີ້ທ່ານກໍສາມາດຫຼິ້ນເກມນີ້ຢາມໃດກໍໄດ້ທີ່ທ່ານຕ້ອງການ.
