Dota2

ຈັກເປັນມື້ເລີດງາມຍາມດີຫຍັງໃກ້ຮອດຍາມບຸນ ຫຼື ຄວາມຢາກແຈກໃຫ້ຄົນທີ່ຕິດຕາມໄດ້ຫຼິ້ນກ່ອນໃຜກັນແທ້. ເກມ DOTA2 ເປັນຍອດຕໍ່ຈາກແຜນທີ່ໃນເກມ Warcaft 3 ໃນໂໝດເສີມ Warcraft III: The Frozen Throne ທີ່ມີຊື່ວ່າ: DotA ໂດຍມີຜູ້ພັດທະ ນາຊື່ດັງເຊັ່ນ Icefrog ເປັນຄົນພັດທະນາແຜນທີ່ນີ້ຂຶ້ນ ແລະ ໄດ້ເລີ່ມເປັນທີ່ສົນໃຈໃນທົ່ວໂລກຈົນໄດ້ກາຍເປັນເກມໃຊ້ເຂົ້າໃນການແຂ່ງຂັນຂັ້ນ International(ລະດັບປະເທດ) ໃນຫຼາຍໆລາຍການໃຫຍ່.

ເກືອບໆປີ 1 ແລ້ວທີ່ທາງ Valve ເປີດໂຕເກມ DOTA2. DOTA2 ເປັນເກມທີ່ໄດ້ຈາກ Map DotA ຈາກພາກເສີມຂອງເກມ Warcraft ພາກ the frozen throne. DOTA2 ທີ່ຈິງແລ້ວບໍ່ແມ່ນພາກສອງຂອງແຜນທີ່ DotA ແຕ່ເປັນເກມທີ່ນຳມາສ້າງໃໝ່ໃຫ້ມີຄວາມສວຍງາມ, ເອບເຟັກທີ່ໃຫ້ ອາລົມຍິ່ງຂຶ້ນ, ພາກນີ້ Valve ຍັງໄດ້ທີມຜູ້ພັດທະນາແຜນທີ່ DotA ມາເປັນຕົ້ນແມ່ນ IceFrog. ເນື່ອງຈາກທາງ DOTA2 ຍັງມີບັນຫາທາບັກ(Bug), ຕົວລະຄອນ(Hero), ລະບົບການຫຼິ້ນ, ຄວາມສົມດຸນຂອງຕົວລະຄອນໃນເກມ ແລະ ອີກ ຫຼາຍໆຢ່າງ. ສະນັ້ນເພິ່ນຈຶ່ງຍັງຢູ່ໃນຊ່ວງ close beta ນັນໝາຍຄວາມວ່າຄົນທົ່ວໄປຍັງບໍ່ສາມາດຫຼິ້ນໄດ້ເທື່ອ, ມີແຕ່ນັກພັດທະນາ ແລະ ຜູ້ທີ່ໄດ້ ຮັບ invite key ຈາກທາງ Valve ເທົ່ານັນທີ່ສາມາດຫຼິ້ນໄດ້. ສຳລັບຄົນທີ່ຢາກຫຼິ້ນນັ້ນຢາກຫຼິ້ນເດຈະເຮັດແນວໃດ? ສ່ວນຄົນທີ່ຢາກຫຼິ້ນນັ້ນກໍ່ສາມາດຫຼິ້ນໄດ້ໂດຍໃນຕອນນີ້ທາງທີ່ງ່າຍທີສຸດແມ່ນການເຮັດບົດທົດສອບຂອງທາງ Valve ໄດ້ເປີດໄວ້ໃຫ້ຄົນທີ່ສົນໃຈ ຢາກຫຼິ້ນ ແລະ ວິທີການເຮັດນັນເຮົາຈະມາບອກຕາມຂ້າງລຸ່ມນີ້.